ბუდაპეშტში მიმდინარე ძიუდოისტთა მსოფლიო ჩემპიონატზე ქართულმა დელეგაციამ პირველი ოქროს მედალი მოიპოვა.

73 კგ წონითი კატეგორიის ფინალში ლაშა შავდათუაშვილმა შვედი ტომი მაციასს შეხვდა და დამატებით დროში გაფრთხილებებით დაამარცხა, რაც ავტომატურად სუფთა მოგებას ნიშნავს.

საგულისხმოა, რომ ლაშა შავდათუაშვილი დამოუკიდებელი საქართველოს ისტორიაში გახდა პირველი ძიუდოისტი, რომელსაც უმაღლესი სინჯის მედალი მსოფლიოს, ევროპის ჩემპიონატებზე და ოლიმპიურ თამაშებზე აქვს მოპოვებული.