მხარს ვუჭერთ საქართველოს ხელისუფლების მოთხოვნას, რომ არალეგალურად დაკავებული ადამიანი, ზაზა გახელაძე დაუყოვნებლივ გათავისუფლდეს, – ამის შესახებ ლიეტუვის საგარეო საქმეთა მინისტრმა გაბრიელიუს ლანდსბერგისმა პრესკონფერენციაზე განაცხადა.
„ჩვენ გვქონდა შესანიშნავი შეხვედრები დღეს საქართველოში. ძალიან ბევრი საკითხი იყო განხილული, ამიტომ მე ძალიან მოკლედ გამოვყოფ იმ საკითხებს, რომლებსაც უფრო მეტად მნიშვნელოვნად მივიჩნევ. ჩვენ ვისაუბრეთ იმაზე, რომ საჭიროა დაუყოვნებლივ გათავისუფლდეს ზაზა გახელაძე. ეს არის ძალიან მტკივნეული საკითხი საქართველოს ხელისუფლებისთვის და ჩვენ მხარს ვუჭერთ მათ მოთხოვნას, რომ არალეგალურად დაკავებული ადამიანი დაუყოვნებულივ უნდა გათავისუფლდეს.“, – განაცხადა გაბრიელიუს ლანდსბერგისმა.
შეგახსენებთ, რომ ზაზა გახელაძე 11 თვეზე მეტია, რაც პატიმრობაში რჩება.
ზაზა გახელაძეს საოკუპაციო რეჟიმის ე.წ. სასამართლომ 12 წლითა და 6 თვით პატიმრობა მიუსაჯა.
