„ლუკაშენკო სასოწარკვეთილად ცდილობს, დაასაბუთოს რუსეთის მხრიდან დახმარების მოწოდება“, – ამის შესახებ ლიეტუვის საგარეო საქმეთა მინისტრი, ლინას ლინკევიჩუსი სოციალურ ქსელ Twitter-ზე წერს.

„ბელარუსის ყოფილი პრეზიდენტის მიერ გაკეთებული ბოლო განცხადება ბელარუსის საზღვრებთან NATO-ს სამხედრო ძალების კონცენტრაციის ზრდის შესახებ, სიცრუეა. როგორც ჩანს, ის სასოწარკვეთილად ცდილობს, დაასაბუთოს რუსეთის მხრიდან დახმარების მოწოდება და მთლიანად გაანადგუროს ქვეყნის დამოუკიდებლობა. სამწუხაროა“, – წერს ლინას ლინკევიჩუსი.

The recent statement by the former president of #Belarus about increasing concentration of @NATO military forces at Belarus’ borders is a lie. Looks he desperately tries to prove call for #Russia’s help and completely ruin country’s independence. Lamentable.

— Linas Linkevicius (@LinkeviciusL) August 16, 2020

შეგახსენებთ, რომ ბელარუსის პრეზიდენტმა, ალექსანდრე ლუკაშენკომ გუშინ განაცხადა, რომ ქვეყნის საზღვრის დასავლეთ ნაწილთან ჩრდილოატლანტიკურმა ალიანსმა ტანკები და თვითმფრინავები განათავსა.

განახლება – NATO-მ აღნიშნული ინფორმაცია უარყო.

რუსეთის პრეზიდენტის ადმინისტრაციაში აცხადებენ, რომ საჭიროების შემთხვევაში მოსკოვი მინსკს სამხედრო დახმარებას დაჰპირდა.

ცნობისთვის, საპროტესტო აქციები ბელარუსში ერთი კვირაა იმართება. დემონსტრანტები პრეზიდენტ ლუკაშენკოს 9 აგვისტოს გამართული საპრეზიდენტო არჩევნების გაყალბებაში ადანაშაულებენ.