ოპოზიციამ ვერ წარადგინა არჩევნების გაყალბების სათანადო მტკიცებულება ფასილიტატორებთან, – ამის შესახებ “გირჩის” თავმჯდომარე იაგო ხვიჩიამ IRI-ის დასკვნაზე საუბრისას განაცხად.
იაგო ხვიჩიას თქმით, ის მოლაპარაკებების დროს არჩევნების გაყალბებაზე “ყვირილს” არ აპირებს.
“ოპოზიციამ ვერ წარადგინა ამის სათანადო მტკიცებულება ფასილიტატორებთან და საერთაშორისო საზოგადოებასთან, მაგიტომაც ხდება ასეთი ტიპის დასკვნების წარმოდგენა პასუხად. ჩვენ ვამბობდით და საჯაროდაც გვაქვს ნათქვამი, რომ სანამ მტკიცებულებები არ გვექნება ოპოზიციას, მანამდე მე არ ვიყვირებ იმას, რომ არჩევნები გაყალბდა და ამაზე არ ვილაპარაკებ, როგორც დამტკიცებულ ფაქტზე,” – განაცხადა იაგო ხვიჩიამ.
