ევროკავშირის მარეგულირებლის მიერ დამტკიცებულ ნებისმიერ ვაქცინას მივესალმები, მათ შორის რუსულ და ჩინურ ვაქცინებს,- ამის შესახებ გერმანიის კანცლერმა, ანგელა მერკელმა განაცხადა.
ინფორმაციას ამის შესახებ Guardian-ი ავრცელებს.
მერკელი The Lancet-ში გამოქვეყნებულ კვლევასაც გამოეხმაურა, რომლის მიხედვითაც რუსული ვაქცინა 92%-ით ეფექტურია.
„ნებისმიერი ვაქცინა, რომელსაც ევროპის წამლების სააგენტო დაამტკიცებს, მისაღებია.რუსეთის პრეზიდენტს ვესაუბრე ამაზე. რუსული ვაქცინის შესახებ კარგი მონაცემები ვიხილეთ. ევროკავშირში ნებისმიერ ვაქცინას მივესალმებით, თუმცა მხოლოდ ის ვაქცინები დაიშვება, რომლებიც ევროპის წამლების სააგენტოს საჭირო მონაცემებს მიაწვდიან“, -განაცხადა მერკელმა.
