ქუთაისში მიკროსაფინანსო ორგანიზაციის ქურდობისთვის დაკავებულები ბრალს არ აღიარებენ.
„დაკავებულები ბრალს არ აღიარებენ, რადგან მიგვაჩნია, რომ წარდგენილ ბრალდებაში არიან უდანაშაულოები“, – ამბობს ადვოკატი არჩილ ნიჟარაძე.
მისი თქმით, არ არსებობს არცერთი მტკიცებულება, რაც დაადასტურებდა მათ ბრალეულობას.
„ამოღებული თანხა და ძვირფასი ნივთები არის ოჯახის საკუთრება. იარაღები ნამდვილად მისია, რადგან ხელოსანია. რაც შეეხება ნარკოტიკს, არ არის მისი, ჩაუდეს. მოტივზე ჯერ ვერ ვისაუბრებთ, თუმცა გადაწყვეტილება აუცილებლად გასაჩივრდება“, – ამბობს ის.
ქუთაისში მიკროსაფინანსო ორგანიზაცია „ინტელექსპრესის“ ოფისი ორი თვის წინ გაქურდეს.
უცნობმა პირებმა იატაკი ამოჭრეს და მიკროსაფინანსო ორგანიზაციაში ამ გზით შეაღწიეს.
ავტორი: კესო მოლაშხია
