ცესკოსთან მიმდინარე აქციაზე ვითარება კიდევ უფრო დაიძაბა. სამართალდამცველებმა მომიტინგეების დაშლა ჯერ წყლის ჭავლით სცადეს, ახლა კი, როგორც ადგილზე მომიტინგეები აცხადებენ, მათ მძაფრი სუნი იგრძნეს, რაც, სავარაუდოდ, ნიშნავს, რომ გაზი გაუშვეს.
გავრცელებული ინფორმაციით, ამ დროისთვის სამი ადამიანია დაშავებული.
ოპოზიციის ლიდერებმა საპროტესტო აქციის გაგრძელება რუსთაველის გამზირიდან ცესკოსთან გადაწყვიტეს. ამის შესახებ პარლამენტთან შეკრებილებს ნიკა მელიამ განუცხადა. აქციის მონაწილეები ცესკოს შენობასთან ფეხით მივიდნენ.
