“მოვითხოვ ევროკავშირიდან, აშშ-დან სასწრაფო სანქციები დაეკისროთ ამათ, შს-მინისტრს, ბიძინა ივანიშვილს, მოსამართლეებს, კობახიძეებს, რა თქმა უნდა, ღარიბაშვილს”, – ამის შესახებ “ლეიბორისტული პარტიის” ლიდერმა, შალვა ნათელაშვილმა განაცხადა.
“ალბათ რთული წარმოსადგენი იყო, რომ საბჭოთა არმიის დაბადების დღის ზეიმზე რაც მოსკოვში ტარდება, ქართული ოპოზიციის ერთ-ერთი გამორჩეული პარტიის ლიდერი იქნებოდა დაპატირმებული და ეს ოფისი იქნებოდა შტურმით აღებული.
ეს არ იყო ქართული პოლიცია ეს იყო “როს გვარდია!”. ეს იყო წარმოუდგენელი, დღეს ჩვენ დავინახეთ უფრო მწვავედ და უფრო რეალურად რა უბედურება ტრიალებს ქვეყნის თავზე. მე ვითხოვ ნიკა მელიას დაუყოვნებლივ გათავისუფლებას, რომელიც არის გამომწყვდეული იმის გამო, რომ ხმა აიმაღლა და მოითხოვა ოკუპანტების გასვლა საქართველოდან.
მოვითხოვ ევროკავშირიდან, აშშ-დან სასწრაფო სანქციები დაეკისროთ ამათ, შს-მინისტრს, ბიძინა ივანიშვილს, მოსამართლეებს, კობახიძეებს, რა თქმა უნდა, ღარიბაშვილს ვინც მამულზე წინ დააყენა თავიანთი ბინძური მანდატები,”- აღნიშნა შალვა ნათელაშვილმა.
ვიდეო ↓ ნათელაშვილი რუსთავის მე-12 პენიტენციურ დაწესებულებასთან მივიდა
დღეს დილით, 23 თებერვალს, სამართალდამცველებმა ნიკა მელია ოფისში დააკავეს.
ნაციონალური მოძრაობის” ოფისთან სპეციალური დანიშნულების რაზმმა ცრემლსადენი გაზი გაუშვა.
დაპირისპირების დროს სამართალდამცველებმა 21 აქტივისტი დააკავეს.
სამართალდამცველები „ნაციონალური მოძრაობის“ოფისში დღეს დილით შევიდნენ.
ცნობისთვის, ნიკა მელიას თბილისის საქალაქო სასამართლომ აღკვეთის ღონისძიებად პატიმრობა 17 თებერვალს შეუფარდა.
ნიკა მელიას დაკავების ფაქტის შესახებ დაიწერა საერთაშორისო მედიაშიც.
