ანალიტიკოსი გია აბაშიძე „გორბის“ კვლევას ეხმაურება და აცხადებს, რომ ბოლო კვლევებით „ქართული ოცნება“ დამაჯერებლად იგებს.
„ყველა ბოლო კვლევებით, “ქართული ოცნება” დამაჯერებლად იგებს პროპორციულად. და რასაც სულ ვიმეორებ – ნაცების რეიტინგი ფსკერისკენაა.
დიდ გამძლეობას ვუსურვებ არჩილ თალაკვაძეს ოპოზიციური პოლიტზოოპარკის მოთოკვაში. ვიცით, შეძლებს დიპლომატიურად.
მიხარია, რომ “იმედის” პრომო-კლიპზე ავარდა და ჩამოიშალა გვარამია. კარგად გათვალეს “იმედის” მენეჯმენტში, ბრავო მათ!
სახელმწიფოებრივად მოაზროვნენი კი, 1, 2, 3 ნოემბერს და შემდგომში საკმაოდ ფხიზლად ვიქნებით ქვეყნის დაცვაში. ნაცებსა და მათ შეთხელებულ ფასიან ვასალებს ამ ქვეყანას არ/ვერ ჩამოვაშლებინებთ! მშვიდობა და განვითარება საქართველოს“, – წერს გია აბაშიძე სოციალურ ქსელში.
ორგანიზაცია Gorbi-ს წინასაარჩევნო კვლევის შედეგებს აქვეყნებს. კითხვაზე „დღეს რომ ტარდებოდეს საპარლამენტო არჩევნები, რომელ პარტიას მისცემდით ხმას თუკი არჩევანი შემდეგ პარტიებს შორის უნდა გაგეკეთებინათ?“ გამოკითხულთა პასუხები ასე გადანაწილდა:
„ქართული ოცნება“ – 56.3%
„ნაციონალური მოძრაობა“ – 11.9%
„პატრიოტთა ალიანსი“ – 7.1%
„ევროპული საქართველო“ – 4.8%
„სტრატეგია აღმაშენებელი“ – 3.5%
„ლეიბორისტული პარტია“ 3.3%
„ლელო“ – 2.9%
„გირჩი“ – 2.7%
„დემოკრატიული პარტია“ – 1,7%
„სხვა პარტიები“ – 1,3%
„ყველას გადავხაზავ“ – 4,5%
გამოკითხვა აგვისტოში, ალოკაციის პრინციპით ჩატარდა. გამოკითხვა ოთხ ენაზე – ქართულზე, რუსულზე, აზერბაიჯანულსა და სომხურზე მიმდინარეობდა.
