ნიგერიის უმსხვილეს ქალაქში, ლაგოსში საპროტესტო აქციებს 20 ადამიანის სიცოცხლე ემსხვერპლა. ინფორმაციას BBC-ი ავრცელებს.
თვითმხილველები აცხადებენ, რომ დემონსტრანტებს ცეცხლი ჯარისკაცებმა გაუხსნეს. შედეგად 20-მდე ადამიანი დაიღუპა, სულ მცირე 50 კი დაიჭრა.
მომხდარს ნიგერიის ხელისუფლება გამოეხმაურა. მათი თქმით, დანაშაულთან დაკავშირებით გამოძიება დაიწყება და თითოეული დამნაშავე პასუხს აგებს.
ლაგოსსა და სხვა რეგიონებში კომენდანტის საათი გამოცხადდა.
შეგახსენებთ, რომ საპროტესტო გამოსვლები ნიგერიაში 2 კვირის წინ დაიწყო. მოსახლეობა ძალოვანი სისტემის რეფორმას ითხოვს.
