„ ჩვენ ავუხსენით, რომ ინსტიტუტების გამოყენებით ბრძოლა შეუძლებელია. ოპოზიცია იყო ერთიანი დღესაც ისევე როგორც სხვა მოლაპარაკების რაუნდზე“ ,- ამის შესახებ პარტია „გირჩის“ ლიდერმა, ზურაბ ჯაფარიძემ მაიკ პომპეოს თანაშემწესთან შეხვედრის შემდეგ განაცხადა.
როგორც ზურაბ ჯაფარიძე ამბობს, ერთადერთი გამოსავალი შეიძლება იყოს პოლიტიკური შეთანხმება.
„არანაირი პირდაპირი მოწოდება არ ყოფილა. მისი მხრიდან შემოთავაზება იყო, ხომ არ სჯობს, რომ ინსტიტუტების გამოყენებით სცადოთ ბრძოლა. ჩვენ ავუხსენით, რომ ინსტიტუტების გამოყენებით ბრძოლა შეუძლებელია. ოპოზიცია იყო ერთიანი დღესაც ისევე როგორც სხვა მოლაპარაკების რაუნდზე.
პარლამენტში შესვლა ამ რეალობაში შეუძლებელია. არც ერთი პარტია არ შევა. გამოსავალი მხოლოდ შეიძლება იყოს პოლიტიკური შეთანხმება.
მას კარგად ესმის, რა მასშტაბის კრიზისია ქვეყანაში, მათ შორის ეკონომიკური კრიზისი, პლუს პანდემია არის ქვეყნაში, ამასთან რეგიონში გეოპოლიტიკური სიტუაცია იცვლება და ამას ზემოდან მარწყვივით ტორტზე დაედო პოლიტიკური კრიზისი, რომელის შემოქმედიც არის ხელისუფლება“,- განაცხადა ზურაბ ჯაფარიძემ.
