ოპოზიციის ეს რადიკალურ-კრიმინალური ნაწილი არა მხოლოდ პარლამენტიდან არის გასული, ის გასულია მომსახურების ზონიდან,- ამის შესახებ უმრავლესობის სხდომის დასრულების შემდეგ პარლამენტის თავმჯდომარის მოადგილემ, მამუკა მდინარაძემ განაცხადა.
ჩვენ მოგვიწოდებენ რაღაცებს გარედან, მაგრამ გარედან მოწოდება და კომიტეტზე არშესვლა ნიშნავს მხოლოდ ერთადერთ რამეს – მათ ეს მხოლოდ სპეკულაციისთვის სჭირდებათ, –
„გუშინ მთელი სერიოზულობით გვიმტკიცებდა მათი ერთ-ერთი წარმომადგენელი, ნახევარ-კილომეტრიანი რადიუსი უნდა ყოფილიყო ის მიჯნა, რომლიდანაც უნდა დაშორებოდნენ ადამიანები საარჩევნო სივრცეს.
რამდენად რაციონალურია და როგორ შეიძლება სერიოზულად საუბარი იმაზე, რომ თითოეული საარჩევნო უბნის კილომეტრიანი დიამეტრით შემოსაზღვრა? მაშინ როდესაც განვითარებულ ქვეყნებში არსებობს პრაქტიკა, რომ არიან ადამიანები, რომლებსაც აქვთ უფლება, საარჩევნო უბნამდე მიაცილონ ამომრჩეველი, მიუთითონ, სად უნდა შევიდნენ.
არჩევნებამდე ბოლო 2 თვის განმავლობაში ოფიციალურ უწყებებს ეკრძალებათ, რომ განათავსონ საკუთარი რეკლამა, რაც არ უნდა კარგი საქმე გააკეთონ – ეს ხომ ხელისუფლების მიერ თვითშეზღუდვას ნიშნავს.
ჩვენ მოგვიწოდებენ რაღაცებს გარედან, მაგრამ გარედან მოწოდება და კომიტეტზე არშესვლა ნიშნავს მხოლოდ ერთადერთ რამეს – მათ ეს მხოლოდ სპეკულაციისთვის სჭირდებათ“, – განაცხადა მდინარაძემ.
ამევე თემაზე:
- პარტია, რომელიც 3%-ს გადალახავს თითო ხმაზე 15 ლარს, ხოლო ყოველ მომდევნოზე 5 ლარს მიიღებს
- 100 ლარამდე თანხით ამომრჩევლის მოსყიდვაც დასჯადი ხდება
- საარჩევნო უბნებიდან 25 მეტრის რადიუსში სააგიტაციო მასალების განთავსება აიკრძალება
