ამერიკულმა ფარმაცევტულმა კომპანიამ, Pfizer-მა კორონავირუსის საწინააღმდეგო ანტივირუსული პრეპარატის (სახელწოდებით PF-07321332) კლინიკური კვლევები დაიწყო. როგორც კომპანიაში განაცხადეს, პრეპარატი აბების სახით იქნება წარმოდგენილი.
ინფორმაციას ამის შესახებ CNBC-ი ავრცელებს.
Pfizer-ის თქმით, პრეპარატის კლინიკური კვლევების პირველი ეტაპი აშშ-ში მიმდინარეობს. პრეპარატი მედიკამენტების იმ ჯგუფს მიეკუთვნება, რომელსაც პროტეაზას ინჰიბიტორები ეწოდება. ისინი იმ ფერმენტის ბლოკირებას ახდენენ, რომელსაც ვირუსი გამრავლებისთვის იყენებს.
პროტეაზას ინჰიბიტორებს იყენებენ აივ-ინფექციისა და ც ჰეპატიტიტს სამკურნალოდ.
„კოვიდ პანდემიასთან გასამკლავებლად აუცილებელია ვირუსის პრევენცია, რომელიც ვაქცინაციით მიიღწევა, ასევე პრეპარატი ინფიცირებული ადამიანების სამკურნალოდ“,- განაცხადა Pfizer-ის სამეცნიერო ხელმძღვანელმა.
