აშშ-ის სახელმწიფო მდივანმა, მაიკ პომპეომ განაცხადა, რომ რუსეთი ხმელთაშუაზღვისპირეთის ქვეყნების პოლიტიკურ პროცესებს ძირს უთხრის. ამის შესახებ პომპეო სოციალურ ქსელ Twitter-ზე წერს.

„ლავროვი ამბობს, რომ აშშ „თამაშებს თამაშობს“ ხმელთაშუაზღვისპირეთში, თუმცა რეალურად, აშშ პროდუქტიულად მუშაობს რეგიონალურ პარტნიორებთან და მხარს უჭერს გაეროს ლიბიაში პოლიტიკური პროცესების დარეგულირების კუთხით. რუსეთი ძირს უთხრის ხმელთაშუაზღვისპირეთის ქვეყნების პოლიტიკურ პროცესებს, მხარს უჭერს სირიის სასტიკ დიქტატორს და მარიონეტების მეშვეობით ლიბიაში კონფლიქტს ამწვავებს. ვინ თამაშობს თამაშებს?“ – განაცხადა მაიკ პომპეომ.

Lavrov says the U.S. is “playing games” in the Mediterranean but in reality the U.S. works productively with regional partners and supports @UN political processes in Libya.

— Secretary Pompeo (@SecPompeo) December 15, 2020