99 წლის პრინცი ფილიპე მაუნტბატენი საავადმყოფოში გადაიყვანეს. ინფორმაციის მიხედვით, რომელსაც ABC News იუწყება, ბუკინგემის სასახლის ადმინისტრაციის თქმით, იგი კლინიკაში, სხეულში შეჭრილი ინფექციის გამო, დააწვინეს.
სასახლეში პრინცის ავად ყოფნის შესახებ უფრო დაწვრილებით ინფორმაციას არ ავრცელებენ, მხოლოდ ამბობენ, რომ ამ დროისთვის, იგი თავს კომფორტულად გრძნობს და მას რამდენიმე დღე კიდევ მოუწევს კლინიკაში დარჩენა.
უნდა აღინიშნოს, რომ ედინბურგის ჰერცოგი ამ წლის 10 ივნისს, 100 წლის გახდება. იგი ლონდონში, მეფე ედვარდ VII-ის სახელობის კლინიკაში, 17 თებერვალს გადაიყვანეს.
ხაზგასასმელია ისიც, რომ მისი ჯანმრთელობის მდგომარეობა COVID – 19-ით ინფიცირებას არ უკავშირდება.
ამ დროისთვის, ფილიპეს მეუღლე, ინგლისის დედოფალი – ელიზაბეტ II, კვლავ ვინდსორის სასახლეში იმყოფება, სადაც ცოლ-ქმარმა, ფაქტობრივად კორონავირუსის პანდემიის დაწყებიდანვე ცხოვრება დაიწყეს.
