ყირგიზეთის დედაქალაქ ბიშკეკში საგანგებო მდგომარეობა გაუქმდა. ინფორმაციას ამის შესახებ უცხოური მედია ავრცელებს.
გადაწყვეტილება ყირგიზეთის პარლამენტმა დღეს მიიღო. გარდა ამისა, ქვეყნის ახალი პრემიერ-მინისტრი სადირ ჯაფაროვი დროებით პრეზიდენტის მოვალეობის შესრულებას ოფიციალურად შეუდგა.
ჯაფაროვმა, რომელიც მისმა მომხრეებმა ციხიდან გაათავისუფლეს, პრეზიდენტის მოვალეობის შესრულებას მას შემდეგ შეუდგა, რაც პარლამენტის პრეს-სპიკერმა მოვალეობის შესრულებაზე უარი თქვა.
შეგახსენებთ, ყოფილმა პრეზიდენტმა ბიშკეკში საგანგებო მდგომარეობა გასულ კვირას, 4 ოქტომბრის შემდეგ მიმდინარე საპროტესტო აქციებისა და არეულობების ფონზე გამოაცხადა. იგი გუშინ გადადგა.
ბიშკეკში საპროტესტო აქცია 5 ოქტომბერს დღის მეორე ნახევარში დაიწყო. დემონსტრაციის მონაწილეები აპროტესტებენ არჩევნების შედეგებს, რომლის მიხედვითაც, 7-პროცენტიანი ბარიერის გადალახვა მხოლოდ პროსახელისუფლებო პარტიებმა შეძლეს.
