ჯანდაცვის მინისტრის ეკა ტიკარაძის თქმით, საქართველოში ვაქცინა შემოვა დაჩქარებული ტემპით და ვაქცინის მიღების თარიღმა გადმოიწია ერთი კვირით.
„შაბათიდან ჩვენ საქართველოში გვექნება ვაქცინების ეტაპობრივი მოწოდება.
მოწოდებული იქნება დათქმული დოზა 43, 200 დოზა, რომელიც გადანაწილდება შესაბამისი პროტოკოლით. შემდეგია „ფაიზერის“ ვაქცინა.“ – განაცხადა ტიკარაძემ საგანგებო ბრიფინგზე.
უწყების ხელმძღვანელმა გაწეული შრომისთვის მსოფლიო ჯანდაცვის ორგანიზაციას, კოვაქს-პლატფორმასა და UNICEF-ს მადლობა გადაუხადა.
„სწორედ მათი დახმარებით გახდა შესაძლებელი ვაქცინის დაჩქარებული ტემპით შემოტანა“ – აღნიშნა ეკატერინე ტიკარაძემ.
რომელი ვაქცინა შემოვა საქართველოში კვირის ბოლოს
პირველ ეტაპზე საქართველოში კორონავირუსისსაწინააღმდეგო AstraZeneca-ს ვაქცინა შემოვა. მინისტრის თქმით, მიმდინარეობს მოლაპარაკებები Pfizer-ისდოზების დაჩქარებული შემოტანის შესახებ.
„ამ ეტაპისთვის UNICEF-ის მხრიდან მიღწეული იქნა შეთანხმება AstraZeneca-ს ვაქცინის დაჩქარებულ მოწოდებაზე.
მოწოდებული იქნება დათქმული დოზა – 43 200 დოზა, რომელიც გადანაწილდება იმ პროტოკოლის შესაბამისად, რომელიც შემუშავებულია COVID-ის ვაქცინაციის საბჭოს მხრიდან.
შემდეგი არის Pfizer-ის ვაქცინა. ამასთან დაკავშირებითაც მიმდინარეობს მოლაპარაკებები, რათა მივაღწიოთ შეთანხმება, რომ Pfizer-ის ვაქცინის დაჩქარება მოხდეს“, – განაცხადა ტიკარაძემ.
კიდევ რომელი ვაქცინების შემოტანას გეგმავს საქართველო
ამ ეტაპისთვის UNICEF-ის მხრიდან მიღწეულია შეთანხმება AstraZeneca-ს ვაქცინის დაჩქარებულ მოწოდებაზე. მოწოდებული იქნება დათქმული 43 200 დოზა, რომელიც გადანაწილდება შესაბამისად იმ არსებული პროტოკოლით, რომელიც შემუშავებული არის.
„მას შემდეგ, რაც Pfizer-ის ვაქცინის შემოტანა რამდენჯერმე გადაიდო, გაჩნდა კითხვა, ამჯერადაც ხომ არ არსებობს შემოტანის დაგვიანების საფრთხე, თუმცა მინისტრმა თქვა, რომ მუშობენ პროცესის დასაჩქარებლად.
„შემდეგი არის Pfizer-ის ვაქცინა, ამასთან დაკავშირებითაც მიმდინარეობს მოლაპარაკებები, რათა მიღწეული იქნას შეთახმება, რომ Pfizer-ის ვაქცინის დაჩქარება მოხდეს. ამ ეტაპისთვის არ გადახედილა ვადები, პირიქით ვმუშაობთ იმასთან დაკავშირებით, რომ რაც შეიძლება დაჩქარებით მოხდეს“.
ქართული მხარე ასევე აწარმოებს მოლაპარაკებებს ჩინური ვაქცინის შემოსატანად, რომელმაც უკვე გაიარა ერთ-ერთი მარეგულირებლის ავტორიზაცია და ელოდება ჯანდაცვის მსოფლიო ორგანიზაციის აკრედიტაციას. მისი თქმით, საწყის ეტაპზე 100 000 დოზა აქვთ შეკვეთილი.
ჩინური ვაქცინა უკვე არის იმ ვაქცინების რიცხვში, რომელიც უახლოეს მომავალში მიიღებს მსოფლიო ჯანდაცვის ორგანიზაციის მხრიდან აკრედიტაციას.
„ჩვენ როგორც AstraZeneca-ს და Pfizer-ის შემთხვევაში, წინასწარი მოლაპარაკებები, რა თქმა უნდა, დაწყებული გვაქვს, როგორც ჩინურ მხარესთან, ასევე, Covax პლატფორმასთან. ასევე, ჩინურ ვაქცინას მიღებული აქვს ერთ-ერთ მკაცრი მარეგულირებლის მხრიდან ავტორიზაცია, რაც ჩვენ გვაძლევს იმის საშუალებას, რომ ინტენსიურად გავაგრძელოთ მოლაპარაკებები.
პირველი ეტაპისთვის ჩვენ გვაქვს მცირე დოზა შეკვეთილი მწარმოებელთან, ეს არის 100 000 ვაქცინა და უკვე Covax პლატფორმიდან შესაძლებლობა გაგვიჩნდება დამატებით დოზებზე. ეს არის Sinopharm“.
პარალელურ რეჟიმში საგარეო საქმეთა სამინისტროს მხრიდან მიმდინარეობს მოლაპარაკლებები სხვა პარტნიორ ქვეყნებთან.
