მოლაპარაკებების დროს წინაპირობებით, საჯარო განცხადებებით დახვედრა, არ მიგვაჩნია რესპუბლიკელებს სწორად, – ამის შესახებ “რესპუბლიკური პარტიის” ლიდერმა, ხათუნა სამნიძემ ოპოზიციის საერთო განცხადებაზე საუბრისას განაცხადა.
მისი თქმით, შეთანხმების მისაღწევად აუცილებელია საუბარი დაიწყოს წითელი ხაზებისა და ბარიერის გარეშე.
“ძალიან მნიშვნელოვანია, რომ ორივე მხარემ შევძლოთ კომპრომისებზე წასვლა და შეთანხმების პროცესში ყველა შესაძლო ვერსიაზე საუბარი მოლაპარაკების მაგიდასთან და ასეთ დროს წინაპირობებით, საჯარო განცხადებებით დახვედრა მედიატორის, არ მიგვაჩნია რესპუბლიკელებს სწორად. ეს წინაღობას და ბარიერს ქმნის იმისთვის, რომ ჩვენ შევძლოთ ყველა საკითხზე წითელი ხაზების და წინაპირობების გარეშე საუბარი, ისე რომ მივიდეთ შეთანხმებამდე.”, – განაცხადა ხათუნა სამნიძემ.
