“ტაბულად” დირექტორის, თამარ ჩერგოლეიშვილის თქმით, ოპოზიციის ზიანის მინიმიზაცია მხოლოდ იმ შემთხვევაშია შესაძლებელი, თუ ოპოზიცია დოკუმენტზე ხელმოწერის გადაწყვეტილებაშიც ერთსულოვანი იქნება.
“ოპოზიციის ზიანის მინიმიზაცია მხოლოდ იმ შემთხვევაშია შესაძლებელი, თუ ოპოზიცია დოკუმენტზე ხელმოწერის გადაწყვეტილებაშიც ერთსულოვანი იქნება.
ჩვენ ყველამ კარგად ვიცით, რომ კრიზისი არ შექმნილა იმის გამო, რომ ხათუნა სამნიძე პარლამენტში არ ზის.
კრიზისი შექმნა ხელისუფლების პოლიტიკამ. კრიზისი მხოლოდ გაღრმავდება – ქვეყნის დაქცეულ ეკონომიკას, გიორგი ვაშაძის პარლამენტში მგზნებარე გამოსვლა ვერ უშველის. ხალხის მოლოდინი კი ისაა, რომ პარლამეტში შესვლით კრიზისი გადაიჭრება.
ის ხალხი, ვინც ახლა მთხლეებს უძახის პოლიტიკოსებს, იმიტომ რომ პარლამენტში არ შედიან – ისევ მთხლეების ძახებას გააგრძელებს, რომ შევიდნენ და ვერაფერი ქნეს. ფრუსტრაცია გაიზრდება.
ამ დროს, გარეთ გყავს “ნაღდი” ოპოზიცია, რომელიც ყვირის “ხომ ვამბობდი”. მოკლედ, დახლეჩვა ყველაზე საზიანო, რადიკალიზაციის სცენარია და ზიანის მინიმიზაცია მხოლოდ ერთსულოვნებით შეიძლება.
მაგრამ, სააკაშვილის კეთილგონიერების იმედი ნამდვილად არ მაქვს – რაც ახლა ხდება, მის ინტერესშია, “ნამდვილ ოპოზიციად” ფორმდება.”, – წერს თამარ ჩერგოლეიშვილი.
