გაერთიანებული სამეფოს მარეგულირებლები იმ ადამიანებს, რომლებსაც ძლიერი ალერგიული რეაქციები ახასიათებთ, Pfizer/BioNTech-ის მიერ შექმნილ კორონავირუსის საწინააღმდეგო ვაქცინის გაკეთებას არ ურჩევენ. ინფორმაციას ამის შესახებ უცხოური მედია ავრცელებს.
გამოცემის ცნობით, გუშინ ვაქცინა ერთ-ერთ მოქალაქეს გაუკეთეს, რის შემდეგაც მას ალერგიული რეაქციები დაეწყო. ამ ფაქტზე დაყრდნობით, დიდი ბრიტანეთის მარეგულირებელმა ორგანოებმა გაავრცელეს გაფრთხილება, რომ ადამიანებმა, რომლებსაც მნიშვნელოვანი ალერგიული რეაქციები აქვთ, ამჟამად Pfizer / BioNTech Covid-19 ვაქცინა არ გაიკეთონ.
„არც ერთმა ადამიანმა, ვისაც ანამნეზში აქვს მნიშვნელოვანი ალერგიული რეაქცია, მედიკამენტებზე ან საკვებზე, არ უნდა მიიღოს Pfizer / BioNtech ვაქცინა“,- ნათქვამია გავრცელებულ ინფორმაციაში.
