„მე მინდა დაგანახოთ, რომ საქართველო ჩემთვის პრიორიტეტული ქვეყანაა“,- ამის შესახებ ჯანდაცვის მსოფლიო ორგანიზაციის რეგიონალურმა დირექტორმა, ჯანდაცვის მინისტრთან ერთობლივი ბრიფინგის დროს განაცხადა.
როგორც ჰანს კლუგელი ამბობს, მომდევნო 5 დღეში იგი დააკვირდება და უფრო კარგად გაეცნობა ქვეყანაში არსებულ სიტუაციას.
„ჩვენ ვიმუშავებთ მომდევნო 5 დღის მანძილზე ჩემი ვიზიტის ფარგლებში მინისტრთან და კიდევ უფრო მეტი ინფორმაცია მეცოდინება. მე მინდა დაგანახოთ, რომ საქართველო ჩემთვის პრიორიტეტული ქვეყანაა. 24 საათი დამჭირდა აქ რომ ჩამოვსულიყავი კიევიდან. ეს არის ორმხრივად მომგებიანი, ჩვენც ჩვენი მხრიდან გაწვდით ცოდნას და ასევე ვსწავლობთ ქვეყნისგანაც“,- განაცხადა ჰანს კლუგემ.
