„ვინმეს თუ ჰგონია, რომ კარგია პარლამენტი ოპოზიციის გარეშე ე.ი ანაბანა არ ესმის პოლიტიკაში, ეს არის ყველაზე ცუდი შედეგი, რომელიც მისთვის დამდგარიყო“ – განაცხადა „ევროპული საქართველოს“ წევრმა სერგი კაპანაძემ აჭარის საზოგადოებრივი მაუწყებლის ეთერში, ვახო ხუზმიაშვილის საავტორო გადაცემა „თავისუფალ სივრცეში“.
„დღეს, ყველა ოპოზიციურმა პარტიამ გააკეთა იგივე განცხადება ანუ ჩვენ გვეყოლება პარლამენტი, რომელშიც არ იქნება ოპოზიცია. იქნება ერთპარტიული, საბჭოური სტილის პარლამენტი, ისეთი როგორიც უნდა ივანიშვილს. ჩვენ გავაგრძელებთ პროცესს გარეთ ერთის მხრივ პროტესტის და მიტიგნების გზით, მეორე მხრივ ჩვენი სხვა პოლიტიკური აქტივობით და არა იმ პარლამენტში, რომელსაც არანაირი ლეგიტიმურობა და ხალხის მხარდაჭერა არა აქვს. ეს სადამდე მიგვიყვანს? მგონია, რომ მიგვიყვანს ივანიშვილის სრულ კრახამდე და მის მარცხამდე ან ვადამდელ არჩევნებში ან სხვაგვარი კრიზისის შედეგად. ამას ვნახავთ ძალიან მალე“, – განაცხადა კაპანაძემ.
