ევროპული საბჭოს პრეზიდენტი, შარლ მიშელი პარლამენტში დაგეგმილი ვიზიტის ფარგლებში, პარლამენტის თავმჯდომარის მოადგილის, პარტია „მოქალაქეების“ ერთ-ერთი ლიდერის – ლევან იოსელიანისგან მიიღებს დეტალურ ინფორმაციას ქვეყნაში მიმდინარე პოლიტიკური პროცესების შესახებ.
შეხვედრაზე, რომელიც ევროპული საბჭოს პრეზიდენტს შარლ მიშელს, საქართველოს პარლამენტის თავმჯდომარე, არჩილ თალაკვაძეს, პარლამენტის თავმჯდომარის მოადგილე, ლევან იოსელიანს, ევროპასთან ინტეგრაციის კომიტეტის თავმჯდომარე, მაკა ბოჭორიშვილსა და საგარეო ურთიერთობათა კომიტეტის თავმჯდომარეს, ნიკოლოზ სამხარაძეს შორის გაიმართება, ასევე დაგეგმილია სხვა მნიშვნელოვანი საკითხების განხილვა. შეხვედრა გაიმართება დავით აღმაშენებლის სახელობის დარბაზში (ბიუროს ოთახი), 1 მარტს, 16:30 სთ-ზე.
