თბილისის მერია გეგმავს, რომ დედაქალაქში 1000-ზე მეტი სკვერი მოაწყოს.
ამის შესახებ ინფორმაცია თბილისის მერობის კანდიდატის კახა კალაძის წინასაარჩევნო პროგრამაშია ნათქვამი.
თბილისის მერის მოადგილე ანდრია ბასილაიას განცხადებით, არც ერთი ეზო სკვერის გარეშე არ უნდა იყოს.
„სკვერების განახლება, მოწყობა აქტიურად მიმდინარეობს. ჩვენი მიზანია, რომ არც ერთი ეზო და არც ერთი კვარტალი არ იყოს სკვერის გარეშე. სამუშაოები გაგრძელდება და 1000-ზე მეტი სკვერის მოწყობა გვაქვს დაგეგმილი“, – განაცხადა ანდრია ბასილაიამ.
