თელავში შეზღუდული შესაძლებლობების მქონე პირი მიუსაფარმა ძაღლმა დაკბინა. შემთხვევა რამდენიმე საათის წინ, მერიის მიმდებარე ტერიტორიაზე, ერეკლე მეორეს სახელობის გამზირზე მოხდა.
ადგილობრივების ინფორმაციით, 50 წლამდე ასაკის ქალი ძაღლმა წააქცია და რამდენჯერმე უკბინა.
შეზღუდული შესაძლებლობების მქონე ქალს ძაღლისგან თავის დაღწევაში გამზირზე მყოფი უცხოელები დაეხმარნენ.
დაშავებული საავადმყოფოში თელავში მცხოვრებმა გოგონამ გადაიყვანა, სადაც დაზარალებულს ჭრილობა დაუმუშავეს და შესაბამისი აცრა ჩაუტარეს.
დაკბენილი ქალი ამჟამად, სახლში იმყოფება და მისი ჯანმრთელობის მდგომარეობა დამაკმაყოფილებელია.
ავტორი: ხათუნა გულიაშვილი
