“ლეიბორისტული პარტიის” ლიდერის, შალვა ნათელაშვილის თქმით, უცხოელი პარტნიორების განცხადება, რომ დარღვევები იყო, თუმცა არჩევნები მაინც ლეგიტიმურია, “ლოგიკას ეწინააღმდეგება” და ასევე “მსოფლიოს ისტორიას და ყველაფერს”.
“ნებისმიერი გადაწყვეტილება, რომელიც შეიძლება იქნას მიღებული დღეს, უნდა იყოს გათვლილი საუკუნეებზე, რადგან არასოდეს საქართველოში ჩვენ აღარ დავუშვებთ იმას, რომ არჩევნებს ვინმე აყალბებდეს, ძალაუფლების უზურპაცია ხდებოდეს და ჩვენ ვიყოთ ცხვრებივით გაჩუმებული და ჩვენი მეგობარი უცხოელი დამკვირვებლები წერდნენ დასკვნებს, რომ “კი, იყო რაღაც დარღვევები, მაგრამ არჩევნები მაინც ლეგიტიმურია”.
თუ დარღვევები იყო, როგორ არის ლეგიტიმური? თუ ადამიანს კორონავირუსი აქვს, როგორ არის ის ჯანმრთელი? ეს ხომ ეწინააღმდეგება ლოგიკა, მსოფლიოს ისტორიას და ყველაფერს.”, – განაცხადა შალვა ნათელაშვილმა.
