წინა წლის ოქტომბრის თვესთან შედარებით, საქართველოში ადგილობრივი ექსპორტი 21,2%-ით გაიზარდა. ამის შესახებ ეკონომიკის მინისტრმა, ნათია თურნავამ მთავრობის სხდომის დასრულების შემდეგ განაცხადა.
როგორც თურნავა ამბობს, ბოლო 10 თვის განამვლობაში საერთო შიდა ექსპორტი 4,7%-ს შეადგენს.
„სტატისტიკის დეპარტამენტიდან გახდა ცნობილი, რომ ადგილობრივი წარმოების ექსპორტის დინამიკა და სტატისტიკა ოქტომბრის თვეში 21,2%-ით არის გაზრდილი წინა წლის პერიოდთან შედარებით.
მთლიანობაში ადგილობრივი ექსპორტი ამ წლის 10 თვეში გაზრდილია 4,7%-ით. სწორედ ექსპორტი ინფრასტრუქტურულ პროექტებთან ერთად წარმოადგენს იმ მამოძრავებელ ძალს, რომელიც ქმნის ეკონომიკის გაჯანსაღების დინამიკას“,- განაცხადა ნათია თურნავამ.
