თურქეთის პარლამენტმა აზერბაიჯანში თურქი სამხედროების გაგზავნის ნებართვა გასცა. ინფორმაციას ადგილობრივი მედია ავრცელებს.
გამოცემის ცნობით, თურქეთის ეროვნულმა ასამბლეამ პრეზიდენტ ერდოღანის მიერ ინიცირებული კანონპროექტი ცოტა ხნის წინ დაამტკიცა.
„ერთობლივი ცენტრის ადგილმდებარეობას აზერბაიჯანი განსაზღვრავს. ცენტრის მუშაობა მიმართული იქნება სამხრეთ კავკასიაში სტაბილურობის უზრუნველყოფაზე. თურქი სამხედროების გაგზავნა თურქეთის ეროვნულ ინტერესებს შეესაბამება“, – ნათქვამია თურქეთის პრეზიდენტის განკარგულებაში.
