დონალდ ტრამპის განცხადებით, სადაზვერვო სამსახურმა ავღანეთში რუსეთის მიერ ამერიკელი ჯარისკაცების მკვლელობების შესაძლო დაკვეთასთან დაკავშირებით მტკიცებულებები ვერ მოიპოვა. ამის შესახებ აშშ-ს პრეზიდენტი სოციალურ ქსელ Twitter-ზე წერს.

„სადაზვერვო სამსახურმა ახლახან მაცნობა, რომ მათ ამ ინფორმაციის მტკიცებულებები ვერ მოიძიეს და შესაბამისად, ჩემი და ვიცე-პრეზიდენტის საქმის კურსში ჩაყენება საჭიროდ არ ჩათვალეს.

შესაძლოა, ეს კიდევ ერთი რუსული შეთქმულების თეორია ან კიდევ ერთი Fake იყოს, რომლითაც New York Times-სს რესპუბლიკური პარტიის ცუდ მდგომარეობაში ჩაყენება სურს“,- წერს ტრამპი.

Intel just reported to me that they did not find this info credible, and therefore did not report it to me or @VP. Possibly another fabricated Russia Hoax, maybe by the Fake News @nytimesbooks, wanting to make Republicans look bad!!! https://t.co/cowOmP7T1S

— Donald J. Trump (@realDonaldTrump) June 29, 2020

შეგახსენებთ, რომ მანამდე The New York Times-მა გამოაქვეყნა ინფორმაცია, რომლის მიხედვითაც რუსეთმა თალიბანს   ავღანეთში ამერიკელი სამხედროების ლიკვიდაციისთვის საიდუმლოდ თანხის გადახდა შესთავაზა. ამის შესახებ კი დონალდ ტრამპმა იცოდა.