ცესკოს თავმჯდომარეობასა და წევრობაზე საკონკურსო საბუთების წარდგენის ვადა თითქმის იწურება. დოკუმენტების გაგზავნა საქართველოს პრეზიდენტის ადმინისტრაციაში ხვალ დღის ბოლომდეა შესაძლებელი.
ამ დროისთვის ვაკანტურ ადგილზე მხოლოდ ერთი განაცხადია შესული.
ცნობისთვის, ცესკოს თავმჯდომარემ თამარ ჟვანიამ 30 ივნისს თანამდებობა დატოვა. გავრცელებული ინფორმაციის თანახმად ცესკოს თავმჯდომარის კანდიდატად ნინო ლომჯარიაც განიხილებოდა, თუმცა აღნიშნული ინფორმაცია არ დადასტურდა.
