დღეს, „ლეიბორისტული პარტიის“ ოფისში ოპოზიციამ თბილისის მაჟორიტარობის კანდიდატებზე შეთანხმებას სრულად მიაღწია. ოპოზიცია სრულად უჭერს მხარს დიდუბე-ჩუღურეთის მაჟორიტარობის კანდიდატს ზურაბ ჯაფარიძეს.
ჯაფარიძის განცხადებით, ის მხარს დაუჭერს საბურთალოს მაჟორიტარობის კანდიდატს ირაკლი ოქრუაშვილს.
„ნებისმიერ მათგანს ჩვენ მივცემთ შესაძლებლობას, რომ დაელაპარაკოს გირჩის ამომრჩეველს და თუ ისინი შეძლებენ გულწრფელად დაარწმუნონ ჩვენი ამომრჩეველი ისინი მიიღებენ გირჩის ამომრჩეველის მხარდაჭერას.
რაც შეეხება გია ვოლსკის, ვაპირებ ის დავამარცხო. გია ვოლსკი არის „ქართული ოცნების ერთ-ერთი გამორჩეული სახე, ვიცე-სპიკერი. ის არის ერთ-ერთი მთავარი კომენტატორი მიმდინარე მოვლენებზე ოცნების მხრიდან და ცხადია ის მხარდაჭერა რაც დღეს გამომიცხადეს მნიშვნელოვნად წამადგება ამ ბრძოლაში“, – განაცხადა ზურაბ ჯაფარიძემ ოპოზიციური პარტიების შეხვედრის დასრულების შემდეგ.
ასევე ნახეთ:
- ოქრუაშვილი: ერთხელ და სამუდამოდ დავასრულებთ ქილიკს, თითქოს ოპოზიციაში უთანხმოება და გაუგებრობა არსებობს
- დავითაია: მიმდინარე კონსულტაციები, მიზნად ისახავს, ოქრუაშვილი წარდგენილი იყოს საბურთალოზე, ზურაბ ჯაფარიძე – დიდუბე-ჩუღურეთში
- ბოკერია: ჩვენ საჯაროდ დავაფიქსირეთ ზურაბ ჯაფარიძის მხარდაჭერა, საბურთალოზე
- ყიჟინა, რასაც ხელისუფლება სცემს, თითქოს ოპოზიცია დაიშალა, დახოცეს ერთმანეთი, ტყუილია – ბურჯანაძე
