„ევროპელი სოციალისტები“ საპარლამენტო უმრავლესობის მხრიდან დღეს გაჟღერებულ ინიციატივას არჩევნების შემსწავლელი დროებითი საგამოძიებო კომისიის შექმნასთან დაკავშირებით უერთდებიან.
„ჩვენ მივესალმებით ამ ინციატივას. მზად ვართ მონაწილეობა მივიღოთ არჩევნებთან დაკავშირებით საგამოძიებო კომისიის მუშაობაში. ამით დასრულდება არჩევნების ირგვლივ არსებული პოლემიკა. მიგვაჩნია, რომ საგამოძიებო კომისიის მუშაობაში უნდა მიიღონ მონაწილეობა მოწვეულმა ექსპერტებმა, როგორც საერთაშორისო ორგანიზაციების, ასევე არასამთავრობო სექტორის მხრიდან “, – ნათქვამია განცხადებაში.
