ბათუმისა და ლაზეთის მიტროპოლიტი, მეუფე სტეფანე ფიქრობს, რომ ბოლო პერიოდში მედიის წარმომადგენლებსა და სასულიერო პირებს შორის არსებული დაპირისპირება პროვოკაციულ ხასიათს ატარებს.
მეუფე დიმიტრი ძალადობას გმობს და აცხადებს, რომ „მთავარი არხის” ჟურნალისტის მიმართ განხორციელებულ ქმედებას მეუფე ანტონი ნანობს.
„ძალადობა ყოვლად დასაგმობია, ეს ლამაზი არ იყო. დარწმუნებული ვარ, მეუფე ანტონი ამას განიცდის და ნანობს.
საერთოდ, რაც ხდება ბოლო პერიოდში, ძალიან რთული აღსაქმელი და მოსასმენია. ერთი რამ გასათვალისწინებელია, ამ ყველაფერს ცოტა პროვოკაციული ელფერი გასდევს. თუნდაც გარეჯის ინციდენტს გამოვეხმაურები. თქვენ იცით, ბატონი მელაშვილი მყავს მხედველობაში – არის გარეჯელი ბერების ხსენების დღე და იქნება აუარებელი ჩასული მომლოცველი. ცხადია, შენი ხელის მოწერის შემდეგ, იმ კომისიის, როგორც თავმჯდომარის, სალოცავში აღარ უშვებენ მომლოცველებს, მოძღვრებს და ჩადიხარ ზედმეტად მოჭარბებული კრიტიკის მედიასთან ერთად და იცით, რომ უსიამოვნება მოჰყვებოდა, ამასაც პროვოკაციის ელფერი გასდევს.
რაც შეეხება ჭყონდიდის ეპარქიას, აქ ჩართულია სინოდი. სინოდის სრული მხარდაჭერა აქვს მეუფე სტეფანეს”,- აცხადებს მეუფე დიმიტრი.
