ზუგდიდში, სადაც საქართველოს ბანკში თავდამსხმელს მძევლები ჰყავს აყვანილი, „დამოუკიდებელი დეპუტატების“ თავმჯდომარე, მარიამ ჯაში ჩავიდა.
როგორც იგი ამბობს, მას არ ჰქონდა უფლება, რომ ახლა სხვაგან ყოფილიყო.
„მე სულ ერთი საათის გზაზე ვიყავი, აჭარაში გვაქვს ჩვენ კამპანია და მით უმეტეს, როდესაც ჩვენი კოლეგები პირველი წუთიდან იყვნენ ადგილზე, არ მქონდა უფლება, რომ პირადად არ მენახა სიტუაცია. აქ ჩამოსვლა არა მხოლოდ გულშემატკივრობისთვის იყო მნიშვნელოვანი, არამედ ვითარების დაკვირვებისთვისაც.
შეიძლება ძალან ბევრი კითხვა გვიჩნდებოდეს, ამ კითხვაზე ჩვენ საუბარს მოვასწრებთ, მას შემდეგ, რაც მშვიდობიანად დასრულდება ყველაფერი“,- აღნიშნა მარიამ ჯაშმა.
ცნობისთვის, დაახლოებით 2 საათისთვის ზუგდიდში, საქართველოს ბანკში თავმდამსხმელი შეიჭრა, რომელიც შეიარაღებულია. თავდამსხმელს ბანკში 19 ადამიანი მძევლად ჰყავს აყვანილი. იგი ითხოვს ნახევარ მილიონ დოლარს.
როგორც ადგილიდან “პრაიმტაიმის” ჟურნალისტი იტყობინება, თავდამსხელები 4 ხელყუმბარითა და ტანსკსაწინააღმდეგო და ცეცხლსასროლი ირაღით არიან შეირაღებული.
“პრაიმტაიმი” მათ შესახებ დამატებით ინფორმაციას განახლებულ რეჟიმში მოგაწვდით.
თავდამსხმელმა პირობების შესასრულებლად პოლიციას 2 საათი მისცა, რომელიც უკვე ამოიწურა.
ცოტა ხნის წინ ადგილზე მივიდა ასევე შს მინისტრი, ვახტანგ გომელაური.
