გერმანია დეკემბრისთვის ვაქცინაციის ასობით ცენტრის გახსნას გეგმავს. ინფორმაციას DW ავრცელებს.
DW-ის ინფორმაციით, ადგილობრივი გამოცემის, Welt am Sonntag-ის მიერ გამოქვეყნებულ ანგარიშში წერია, რომ 16 ფედერალური შტატის ჯანდაცვის მინისტრებმა უკვე შეიმუშავეს გეგმა, რომლის მიხედვითაც, თითოეულ ადმინისტრაციულ ოლქში ერთი ან ორი ვაქცინაციის ცენტრი გაიხსნება.
ქვეყნის დედაქალაქ ბერლინში კი, ვაქცინაციის ექვსი ცენტრი იქნება.
გერმანიის ჯანდაცვის სფეროს წარმომადგენლები Pfizer/BioNTech-ის ვაქცინაზე დიდ იმედებს ამყარებენ.
შეგახსენებთ, რომ აშშ-ს ფარმაცევტული კომპანია, Pfizer-ისა და მისი გერმანელი პარტნიორის ბიოტექნოლოგიების კომპანია – BioNTech-ის წარმომადგენლების განცხადებით, მესამე ფაზის მიმდინარეობისას ჩატარებული კვლევის პირველადმა შედეგებმა აჩვენა, რომ მათ მიერ შექმნილი კორონავირუსის ვაქცინა 90%-ით ეფექტურია.
