„2021-2025 წლების განმავლობაში საშუალოდ ჩვენი წლიური ეკონომიკური ზრდა იქნება 5,5%, რაც რეგიონში ყველაზე მეტი მაჩვენებელია“,- ამის შესახებ ეკონომიკის მინისტრმა, ნათია თურნავამ განაცხადა.
როგორც იგი ამბობს, ეკონომიკა თანდათან აღდგენისკენ მიდის, რაც ყოველთვიურ სტატისტიკაში აისახება.
„საერთაშორისო სავალუტო ფონდის პროგნოზით საქართველო უახლოესი რამდენიმე წლის განმავლობაში იქნება ეკონომიკის აღდგენა-გაჯანსაღების ზრდის თვალსაზრისით ლიდერი. 2021-2025 წლების განმავლობაში საშუალოდ ჩვენი წლიური ეკონომიკური ზრდა იქნება 5,5%, რაც რეგიონში ყველაზე მეტი მაჩვენებელია. 2020 წელს პროგნოზი არის +5.2 % და ნიშნები იმისა, რომ ჩვენი ეკონომიკა თანდათან მიდის აღდგენისკენ აისახება ყოველთვიურ სტატისტიკაში.
ეს პროგნოზი ეფუძვნება იმ ადეკვატურ შეფასებას ჩვენი პოლიტიკის, რომელიც მიმართულია პირველ რიგში პანდემიის გავრცელების მართვისკენ. ეს გვაძლევს საშუალებას დღეს გადავიდეთ ადაპტაციის ეტაპზე“,- განაცხადა ნათია თურნავამ.
