ნორვეგიის მთავრობა ქვეყნის პარლამენტზე 24 აგვისტოს განხორციელებულ კიბერთავდასხმაში რუსეთს ადანაშაულებს.
„მთავრობის ხელთ არსებული ინფორმაციიდან გამომდინარე, მიგვაჩნია, რომ ამ ოპერაციაზე პასუხისმგებლობა რუსეთს ეკისრება“, – წერია ნორვეგიის საგარეო საქმეთა სამინისტროს ვებგევრდზე გამოქვეყნებულ განცხადებაში.
როგორც ნორვეგიის პარლამენტის IT-განყოფილების ხელმძღვანელმა, ამრიანა ანდრეასენმა განაცხადა, კიბერთავდასხმა ელექტრონული ფოსტის შიდა სისტემას შეეხო.
არსებული ინფორმაციით, შედეგად, ჰაკერებისთვის პარლამენტის ზოგიერთი წარმომადგენლის ელექტრონული ფოსტიდან მონაცემები გახდა ხელმისაწვდომი.
თავის მხრივ, ოსლოში რუსეთის საელჩო ნორვეგიის საგარეო საქმეთა სამინისტროს განცხადებას პროვოკაციას უწოდებს და ოფიციალური ოსლოსგან ახსნა-განმარტებებს ითხოვს.
