ჩინეთში ახალი ვირუსის გამოჩენასთან დაკავშირებით, დაავადებათა კონტროლის ეროვნული ცენტრის ხელმძღვანელი, ამირან გამყრელიძე განმარტებას აკეთებს.
მისი თქმით, ვირუსები 21 საუკუნის მთავარი გამოწვევაა, თუმცა არ უნდა გვეშინოდეს, რადგან მეორე პანდემია დიდი ხნის განმავლობაში აღარ იქნება.
„21 საუკუნე ასეთი ახალი მოვლენებით „გაგვანებივრებს“. ახლადწარმოშობილი დაავადებები და ინფექციები გახლავთ ერთ-ერთი მთავარი გამოწვევა, რომელიც მოყვება იმ პროცესებს, რაც მიმდინარეობს ჩვენს ეკოლოგიაში. ამ ტიპის ვირუსები ჩნდება პერიოდულად, მაგრამ მათი ძალიან მცირე ნაწილი ხდება ეპიდემიის ან პანდემიის წყარო. მეორე პანდემია დიდი ხნის განმავლობაში არ იქნება. როდესაც კორონავირუსულ პანდემიას მოვილევთ, თქვენი თაობა დარწმუნებული ვარ, მეორე პანდემიას აღარ მოესწრება“,- განაცხადა ამირან გამყრელიძემ.
ცნობისთვის, უცხოურ მედიაში ვრცელდება ინფორმაცია, რომ ჩინეთში ახალი ვირუსი გამოჩნდა. მეცნიერების ინფორმაციით, ვირუსის მატარებელი ღორები არიან, თუმცა ვირუსს შეუძლია ადამიანის დაინფიცირებაც.
ასევე ნახეთ:
