პარტია „გამარჯვებული საქართველოს“ ლიდერი ირაკლი ოქრუაშვილი აცხადებს, რომ მისი და გიგი უგულავას გათავისუფლების გამო მათმა მხარდამჭერებმა ჩათვალეს, რომ ეს იყო კაპიტულაცია.
მისივე თქმით, ამ მიზეზის გამო არ ათავისუფლებენ გიორგი რურუას.
„გერმანიის ელჩის მიდგომა ჩემთვის იყო სრულიად გასაგები. ერთი მხრივ ის შეეცადა სიტუაციის ოდნავ განეიტრალებას. საბოლოოდ საპირისპიროდ გამოუვიდა.
ჩემი და უგულავას გამოშვებით, „ქართულმა ოცნებამ“ ჩათვალა, რომ აპოკალიფსი მოხდა, მათმა მხარდამჭერებმა ხელისუფლებას დაამხეს ყველაფერი და ჩათვალეს, რომ მათი მხრიდან ეს იყო კაპიტულაცია.
ამის გამო „ქართულმა ოცნებამ“ ჩათვალა, რომ რურუას გამოშვება იქნებოდა არანაკლები და ამის გამო დაიჭირა ხისტი პოზიცია.
„ქართული ოცნების ხელისუფლების ლიდერები წიგნს, რომ არ კითხულობენ ეს ყველამ იცის, მაგრამ ფილმებით მართავენ ქვეყანას“, – თქვა ირაკლი ოქრუაშვილმა „ტვპირველის“ ეთერში.
შეგახსენებთ, გერმანიის ელჩის განცხადებას ოპოზიციის მხრიდან მწვავე კრიტიკა მოჰყვა.
გერმანიის ელჩმა ჰუბერტ ქნირშმა თქვა, რომ 8 მარტის შეთანხმებაში გიორგი რურუა ნახსენები არ ყოფილა. ეს განაცხადი მან 26 ივნისს ინტერპრესნიუსის ჟურნალისტის კითხვის პასუხად გააკეთა, სადაც ასევე ისაუბრა იმაზეც, რომ შეთანხმების იმპლემენტაციისთვის ორშაბათი, ანუ საკონსტიტუციო ცვლილებების მესამე მოსმენა გადამწყვეტი იქნება.
“ბატონი რურუა არ არის ნახსნები ამ შეთანხმებაში. ეს ძალიან მკაფიოა, ყველას შეუძლია ამის წაკითხვა. გაკვირვებული ვარ, იმ დისკუსიის გამო, რაც პოლიტიკურ პარტიებს შორის გაიმართა, ერთმანეთის დადანაშაულების მცდელობა, როცა ოპოზიცია მმართველ პარტიას ადანაშაულებს კანონპროექტის ჩავარდნაში და პირიქით”, – თქვა მან.
დაგაინტერესებთ:
- ვუსამძიმრებ ბატონ ჰუბერტს, თარგმანში დაკარგულს ჰგავს! – გიგა ბოკერია გერმანიის ელჩს აკრიტიკებს
- შალვა ნათელაშვილი გერმანიის ელჩის გაწვევას ითხოვს
- „ნაციონალური მოძრაობა“ ნათელაშვილის მოწოდებას ემიჯნება
- გერმანიის ელჩზე შეტევა ძველი ოპოზიციის უხეში შეცდომაა – თალაკვაძე
- ბოკერია, მისი მეუღლე და სხვა „ნაციონალები“ არიან უკიდურესად გაღიზიანებულები – ირაკლი კობახიძე
