ალექსეი ნავალნის რუსეთში დაბრუნება ნებისმიერ დროს შეუძლია,- ამის შესახებ კრემლის პრესსპიკერმა, დიმიტრი პესკოვმა განაცხადა. ინფორმაციას TASS-ი ავრცელებს.

„თუ პაციენტის მდგომარეობა უმჯობესია, ეს მშვენიერია. ჩვენ მას მალე გამოჯანმრთელებას ვუსურვებთ. რა თქმა უნდა, როგორც რუსეთის ყველა მოქალაქეს, მასაც შეუძლია ქვეყანაში ნებისმიერ დროს დაბრუნდეს“,- განაცხადა პესკოვმა.

მისი თქმით, ნავალნისთან ოფიციალური შეხვედრა არ იგეგმება, მანამდე სანამ პაციენტი სამართალდამცავებისთვის ინფორმაციის მიწოდებას თავად არ გადაწყვეტს.

ცნობისთვის, დღეს რუსი ოპოზიციონერი პოლიტიკოსი ალექსეი ნავალნი ბერლინის კლინიკიდან გაწერეს.

შეგახსენებთ, რომ 20 აგვისტოს ქალაქ ტომსკიდან მოსკოვში თვითმფრინავით მგზავრობისას, ალექსეი ნავალნი ცუდად გახდა, რის გამოც თვითმფრინავი ავარიულად, ომსკში დაეშვა, სადაც ნავალნი მოწამვლის სიმპტომებით რეანიმაციაში მოათავსეს.

22 აგვისტოს ალექსეი ნავალნი სამკურნალოდ გერმანიაში გადაიყვანეს.

2 სექტემბერს გერმანიის მთავრობამ ოფიციალური განცხადება გამოაქვეყნა და დაადასტურა, რომ ალექსეი ნავალნი „ნოვიჩოკის“ ნერვული აგენტითაა მოწამლული.

მოგვიანებით, ნავალნის გუნდმა სოციალური ქსელ Instagram-ზე განცხადება გაავრცელა. მათი თქმით,  ალექსეი ციმბირის ქალაქ ტომსკის სასტუმროს ოთახში მოწამლეს და არა აეროპორტში