დაავადებათა კონტროლსი ცენტრის ხელმძღვანელის მოადგილე, პაატა იმნაძე კორონავირუსის მეორე ტალღასთან დაკავშირებით კიდევ ერთხელ აკეთებს განმარტებას.
როგორც იგი ამბობს, ზოგიერთ ქვეყანაში მეორე ტალღა უკვე არის.
„ძალიან ბევრ ქვეყანაში მეორე ტალღა უკვე არის. მას შემდეგ რაც ბიზნეს აქტივობები გაიხსნა, შემობრუნდა კორონა და ფართოდ გავრცელდა.
ლაპარაკი არის იმაზე, რომ როდესაც რესპირაციული დაავადებების სეზონი დადგება, ეს სამწუხარო რეალობაა, რომ ზოგ ქვეყანაში ეს უკვე მესამე ტალღა იყოს.
თუ ჩვენ კორონასთან თანაცხოვრებას გავაგრძელებთ ისე, როგორც ვაგრძელებთ, მაშინ ეს მეორე ტალღა იქნება ძალიან შორს. თუ არ გავაგრძელებთ კორონასთან ასევე კარგად მოქცევას, როგორც ვიქცევით, მაშინ იქნება ახლოს. ეს არის პასუხი“,- განაცხადა პაატა იმნაძემ.
ცნობისთვის, მსოფლიო ჯანდაცის ორგანიზაციის დირეტორი ტედროს ადჰანო გებრეიესუსი აცხადებს, რომ კორონავირუსის დამარცხებაზე საუბარი ნაადრევია.
ასევე ნახეთ:
- ფიტნესცენტრები და აუზები ჯერ არ გაიხსნება – ნათია თურნავა
- თქვენი თაობა მეორე პანდემიას აღარ მოესწრება – ამირან გამყრელიძე
- შეზღუდვები, რომლებიც ორშაბათიდან მოიხსნება – ნათია თურნავას განმარტება
- რა შემთხვევაში შემოდიან საქართველოში რუსეთის მოქალაქეები – შს მინისტრის განმარტება
- ბნელ ოთახში კატას ნუ ეძებთ – ნათია თურნავა ჟურნალისტებს
